Serbët e mbledhur në veri që po protestojnë përballë ambienteve të komunave, kanë vizatuar simbolin e luftës së Putinit në automjetin e KFOR-it amerikan.
Protestuesit kanë vizatuar mbi automjetin e KFOR shkronjën Z, simbolin e luftës së Rusisë në Ukrainë.
I njëjti simbol është shkruar dhe mbi automjetet e blinduara të policisë së Kosovës.
Simboli “Z” së pari u pa në tanket që ishin nisur drejt kufirit të Ukrainës, disa ditë para se presidenti rus, Vladimir Putin, të urdhëronte pushtimin e shtetit fqinj.
Ky simbol u shndërrua shumë shpejt në simbol për mbështetjen e luftës së Putinit në Ukrainë dhe është parë e vizatuar edhe në ndërtesa të ndryshme në Komunën e Mitrovicës së Veriut, të banuar me shumicë serbe, në protestat në mbështetje të Putinit në Beograd, e në vende të tjera.
LEXONI GJITHASHTU:
- Situata në Veri, flet raportuesja për Kosovën në PE, Von Cramon
- Çfarë po kërkojnë serbët? Flet eskluzivisht për Euronews përfaqësuesi i Listës Serbe
