Vrasja e Klodian Rashës, analisti Hoxha: Protesta nuk është barbarizëm, qeveria të gjejë zgjidhje jo të justifikohet

Në një intervistë për Euronews Albania, analisti Artan Hoxha tha se protesta është pamje e asaj që shoqëria ka akumuluar së brendshmi.

Sipas tij ky ishte momenti i duhur për të shpërthyer.

“Brenda kësaj revolte gjejnë zbrazje shumë tensione të akumuluara për një kohë të gjatë dhe duhet thënë se aspektet e dhunshme të kësaj proteste janë të kuptueshme,” – tha Hoxha.

Nga ana tjetër ai nuk nguroi të bëjë thirrje që dhuna të mos jetë pjesë e kësaj proteste.

“Të shprehurit kundra një shteti që i ndërton dhunshëm marrëdhëniet me qytetarët e vet duhet të jetë e fuqishme por pa i dhënë shkas pikërisht këtij shteti të mbrapsht që të fitojë avantazh përkundrejt protestës,” – sqaroi analisti Hoxha.

Në gjykimin e tij strukturave të këtij shteti i takon të kuptojnë arsyet në thellësi dhe pse ndodhi dhe jo të justifikohen apo ta quajnë barbarizëm e primitivizëm këtë që po ndodh.

Ndërkaq Hoxha komentoi dhe reagimin e Ramës i cili agravoi situatën dhe nuk e qetësoi atë sepse siç tha dhe analisti, përpiqen të justifikojnë veten më tepër se të marrin përgjegjësitë që ju takojnë për nja tragjedi që u shkaktua nga shteti.

Sa i takon reagimit më të fundit të Ramës në Twitter, Hoxha theksoi se kryeministri me këto deklarata po shkon përsëri drejt konfrontimit në vend të zgjidhjes.

Sipas tij drejtori i Përgjithshëm i Policisë, Veliu duhet të kishte ikur para Lleshaj madje ai kujtoi rastin e të miturit që u dhunua nga unifromat blu duke sjellë edhe një herë në vëmendje se largimi i tij duhet të kishte ndodhur pikërisht në ato momente.

“Edhe dorëheqja e Sandër Lleshaj nuk ishte një dorëheqje, sipas meje, me përgjegjësi publike por me interes politik,” – tregoi analisti.

Së fundmi ai theksoi se e gjithë gjendja vjen si pasojë e një qeverie në pushtet e cila është monkratike e se zgjidhja e situatës është shumë më komplekse se largimi i Lleshajt apo largimi i domosdoshëm i Veliut.