​Bellingham lojtari i sezonit në Bundesligë

Mesfushori anglez i Borussia Dortmundit, Jude Bellingham është shpallur lojtari i sezonit në Bundesligë.

Bellingham ishte kyç në luftën e titullit për skuadrës së tij, por një barazim 2-2 me Mainzin në xhiron e fundit të sezonit i bëri ata të humbasin ndaj Bayern Munich.

Ai shënoi tetë gola dhe pesë asistime në 31 paraqitje në ligë këtë sezon pasi Dortmundi përfundoi si nënkampion.

“Çdo vit që kam luajtur në këtë klub përgjegjësia ime është rritur”, tha Bellingham.

“Më duhet të vazhdoj të jem kudo në fushë dhe të përpiqem të jap maksimumin tim për të kontribuar në sulm dhe mbrojtje dhe të përpiqem të kontrolloj lojën dhe të dominoj mesfushën. Shokët e mi të skuadrës, trajnerët dhe stafi më kanë ndihmuar të zhvillohem. Erdha në klub si një djalë i talentuar, por kam shtuar elementë në lojën time që e kanë çuar atë në një nivel tjetër dhe mendoj se kjo u takon atyre,” – u shpreh 19-vjeçari.

Bellingham pritet t’i bashkohet Real Madridit këtë verë në një marrëveshje me vlerë mbi 100 milionë euro.

Ai iu bashkua Dortmundit nga Birmingham City në vitin 2020 për 25 milionë funte dhe ka bërë mbi 130 paraqitje për klubin.

LEXONI GJITHASHTU:

• Tjetër barazim për Bajernin në Bundesligë, Lacio i jep leksion Milanit
• Presidenti gjerman përmend dy futbollistët shqiptarë: Kanë pasuruar Bundesligën