Trembëdhjetë të vdekur nga Covid-19 në Kosovë

Gjatë 24 orëve të fundit në Kosovë kanë humbur jetën 13 pacientë nga Covid-19. Lajmi bëhet i ditur nga Instituti i Shëndetit Publik, i cili thekson se janë kryer 1775 teste të dyshuara, prej të cilëve, 590 janë konfirmuar pozitivë me coronavirus.

Që nga fillimi i pandemisë dhe deri sot në tërë Kosovën kanë humbur jetën 1174 qytetarë, ku pjesa dërrmuese kanë pasur sëmundje të tjera shoqëruese.

“Numri total i rasteve pozitive është 45.594 raste nga 160.352 persona të dyshimtë në virusin SARS-CoV-2 dhe 1.174 raste të vdekjes .Gjatë 24 orëve të fundit, janë shëruar 696 pacientë derisa numri i përgjithshëm i të shëruarve deri më sot është gjithsej 32.498 raste, kurse numri i rasteve aktive është 11.922”, thuhet në njoftim.  

Rastet pozitive:

Komuna Prishtinë 244 raste, Mitrovicë 46 raste, Podujevë 35 raste, Fushë-Kosovë 32 raste, Gjilan 25 raste, Lipjan 25 raste, Viti 24 raste, Vushtrri 22 raste, Drenas 21 raste, Gjakovë 21 raste, Obiliq 20 raste, Ferizaj 13 raste, Prizren 13 raste, Kamenicë 10 raste, Skenderaj 6 raste, Malishevë 5 raste, Suharekë 5 raste, Kaçanik 4 raste, Pejë 4 raste, Dragash 3 raste, Rahovec 3 raste, Deçan 2 raste, Klinë 2 raste, Shtime 2 raste dhe me nga 1 rast komunat: Istog, Novobërdë, Zubin-Potok.

Ministria e Shëndetësisë kërkon kujdes maksimal në zbatimin e rregullave higjieno-sanitare për të shkëputur zinxhirin e infektimit nga Covid-19.