Vrasja e të riut, Rama bën përgjegjës presidentin dhe opozitën për tensionet

Kryeministri i Shqipërisë, Edi Rama, ka akuzuar opozitën dhe presidentin e Republikës duke i cilësuar ata si nxitës së dhunës në dy protestat e mbajtura pas vrasjes së Klodian Rashës.

“Opozita dhe Presidenti janë jo vetëm nxitësit,po edhe orkestruesit e dhunës që poshtëron kujtimin e Klodianit, gjoja për drejtësi por në fakt vetëm për hesapet politike të LulitSaliutIIliritMonikës! Janë të dëshpëruar se s’kanë asnjë shans të rikthehen në pushtet me zgjedhje!”, shkruan Rama.

Ai thotë se opozita në bashkëpunim me kreun e shtetit kanë paguar qytetarë, madje edhe minorenë për të djegur rrugët e vendit.

“S’kanë më njësi komunale për të mbushur autobuzë, e dinë që përveç turmës së tkurrur të militantëve s’i ndjek më askush dhe paguajnë lart e poshtë deri edhe minorenë, duke u kërkuar të thyejnë e djegin rrugëve të qytetit, që të thonë ja s’ka rend, s’ka siguri, s’ka shtet.”, shton ai. 

Opozita dhe Presidenti janë jo vetëm nxitësit,po edhe orkestruesit e dhunës që poshtëron kujtimin e Klodianit, gjoja për drejtësi por në fakt vetëm për hesapet politike të LulitSaliutIIliritMonikës! Janë të dëshpëruar se s’kanë asnjë shans të rikthehen në pushtet me zgjedhje!

— Edi Rama (@ediramaal) December 11, 2020

Kryeministri i vendit u bën thirrje prindërve të minorenëve që të kujdesen për to, pasi sipas tij, ata po përdoren për të ushtruar dhunë nga ana e LSI-së. Mes tjerash Rama paralajmëron qytetarët dhe u këkron që të heqin dorë nga dhuna pasi në të kundërt do përballen me ligjin dhe forcën e shtetit.

“Thirrja ime për prindërit e minorenëve të abuzuar nga LSI është ruajini fëmijët nga kthetrat e të paudhëve pa atdhe, ndërsa për këdo tjetër që merr rrugët për të thyer e për të djegur, duhet të jetë shumë e qartë që loja e forcës me ligjin e me shtetin mbaron prapa hekurave”, shton Rama.

Vrasja e të riut Klodian Rasha krijoi tensione në kryeqytet dhe në disa qytete të vendit, ndërsa nuk munguan as konfrontimet fizike mes qytetarëve dhe forcave të Policisë. Kjo ngjarje solli gjithashtu zhvillime të reja në qeverinë Rama, ku Sandër Lleshaj dha dorëheqja të parevokueshme nga posti i ministrit të Brendshëm dhe kërkoi ndjesë për vrasjen e 25-vjeçarit.

Lexoni gjithashtu:

Jep dorëheqjen ministri Sandër Lleshaj

”Qëllova drejt këmbëve të Rashës”, dëshmon efektivi: Klodiani bërtiti, e gjeta pa shenja jete

Gjykata e Tiranës lë në qeli efektivin që vrau Klodian Rashën

PD për vrasjen e të riut, Alibeaj: Asnjë kurban s’e shpëton dot Ramën nga përgjegjësia

Hetimet për vrasjen e Klodian Rashës, Prokuroria kërkon ‘arrest me burg’ për efektivin

Vrasja e Klodian Rashës, Lleshaj: Organet do të finalizojnë shpejt hetimet

Publikohet ekspertiza paraprake, Rasha s’ka plumb në kokë, polici ka qëlluar dy herë