Apeli i GJKKO lë në burg Fredi Belerin

Gjykata e Posaçme e Apelit ka lënë në fuqi masën e arrestit me burg për Fredi Belerin, ndërsa ka vendosur detyrim paraqitjeje për Pandeli Kokaveshin.

Mësohet se kryebashkiaku i zgjedhur i Himarës nuk është paraqitur në seancë por është përfaqësuar nga avokatët e tij të cilët kërkojnë një masë më të butë sigurie.

Beleri dhe Kokaveshi janë shtruar në spitalin e burgut për shkak të gjendjes shëndetësore.

Në akimimin e bërë më 25 maj Beleri kërkoi pushimin e çështjes, me pretendimin se nuk ka asnjë provë që ta përfshijë në veprën penale për të cilën akuzohet.

Sakaq Kokaveshi kërkoi nga GJKKO një masë më të butë sigurie.

Beleri dhe bashkëpunëtori i tij akuzohen për blerjen e votave gjatë fushatës për zgjedhjet lokale, akuza të cilat i kanë mohuar dhe i kanë cilësuar si inskenime politike.

Beleri tashmë mund t’i drejtohet Gjykatës së Lartë pas vendimit të Apelit të GJKKO.

LEXONI GJITHASHTU:

• Mbahet seanca në GJKKO për Fredi Belerin, kryebashkiaku i Himarës kërkon lirinë
• Apeli i GJKKO cakton datën kur do të shqyrtohet ankimimi i Fredi Belerit