Gazetari zbardh prapaskenat: Takimi i Osmanit me Vuçiçin, çfarë u vendos në tavolinë

Presidentja Vjosa Osmani duket se ka pasur një takim joformal me presidentin e Serbisë Aleksandër Vuçiç në Moldavi. Ndonëse shumë pak dihet për këtë takim, gazetari i Euronews Albania, Kosovë Gjoci zbuloi për “Now me Erla Mëhillin” disa detaje.

Ai tha se në këtë takim mund të jetë diskutuar edhe për mbajtjen e zgjedhjeve të parakohëshme në komunat në veri të Kosovës, këtë herë me pjesëmarrjen e partive serbe, gjë që do ndryshonte edhe rezultatin në këto komuna.

“Ka pasur një takim më shumë joformal se sa një takim të organizuar. Nuk kemi shumë informacione apo të reja nga takimi i tyre, por duke pasur parasysh edhe deklarimet që ka bërë zonja Osmani, duke mos e përjashtuar bërjen e zgjedhjeve sërish në veri, duke qenë se në aspektin kushtetues lejohet diçka e tillë.

Mund të themi se ndoshta ka pasur një lëvizje që kjo situatë të kalojë në situatë tjetër që do të jenë zgjedhjet e reja në veri në të cilat normalisht me pjesëmarrjen e serbëve do të ndryshonin komplet edhe strukturën udhëheqëse në komunat veriore.

LEXONI GJITHASHTU:

• E ardhmja e ujit, mungesa e shirave të rregullta po than rezervat ujore
• Presidentja Osmani takon Macron, Scholz dhe përfaqësuesin e lartë Borrell