Protestat për Klodian Rashën, Rama: Po përdoren të miturit, analistët predikojnë dhunën

Kryeministri Edi Rama gjatë konferencës “Ekonomia në Fokus” sulmoi opozitën sa i përket protestave të fundit për Klodian Rashën.

Rama theksoi se po abuzohet me të miturit, të cilët sipas tij po i përdorin kundra qeverisë.

Kryeministri nënvizoi se kjo situatë është një katastrofë, madje edhe analistët po predikojnë dhunën. 

“Qeveritë shkojnë e vijnë, kryeministrat shkojnë dhe vijnë, por në fund të ditës askush nuk lind kryeministër dhe askush nuk vdes kryeministër. Përpara se të jesh kryeministër je qytetar i këtij vendi, je prind në këtë vend, je edhe pasues i të tjerëve që kanë qenë përpara teje, si banorë të këtij vendi dhe të tjerë pas teje do të vijnë. Është përtej skandalozes, një turp i pashoq, që të shikosh njerëz që mund të kenë të gjitha arsyet e tyre, më pëlqen apo s’më pëlqen mua, janë të drejta apo të padrejta, për të pasur të gjithë anagazhimin e tyre kundër meje dhe qeverisë, por të arrijnë në këtë pikë dhe t’i ri-abuzojnë të miturit duke i përdorur si argumente për të vazhduar, për të pikturuar një panoramë të një revolucioni latent që kanë kohë që e presim, është rënie në një nivel, është katastrofë, nuk gjej fjalët, për të arritur të arsyetoj analistë që predikojnë dhunën”, u shpreh kryeministri.  

Lexoni gjithashtu:

Festat e fundvitit, Rama: 34 milionë dollarë për shpërblimet e pensionistëve