Një sezon për t’u harrur, Liverpool fillon ringritjen. Goditja e parë në merkato

Liverpooli përmbylli një sezon aspak pozitiv, ndërsa u rendit në vendin e pestë në Premier Leaguen angleze. Të besuarit e Klopp mundën të sigurojnë një biletë vetëm për kompeticionin e Europa League, pork jo është shumë larg objektivave të vendosura. Kështu që diçka e tillë nuk duhet të ndodhë në sezonin e ri futbollistik, teksa kanë nisur lëvizjet e para.

Tekniku gjerman ka përpiluar listën e lojtarëve që dëshiron në Anfiel dhe i pari që do të veshë fanellën e Liverpoolit është Alexis MacAllister. Kampioni i botës në Argjentinën ka zhvilluar një sezon të jashtëzakonshëm me Brightonin në Angli, duke u renditur në vendin e 6-të.

Mediat britanike e cilësojnë të mbaruar kalimin e tij drejt Liverpool, ndërsa këta të fundit kanë paguar plot 60 mln paundë. Në fundjavë 24-vjeçari do të kryejë dhe testet mjekësore, ndërsa më pas do të vihet nën urdhrat e trajnerit Klopp. MacAllister do të jetë sërish pjesë e kombëtares së Argjentinës në miqësoret e radhës përballë Australisë dhe Indonezisë. 24-vjeçari i është bashkuar Brightonit prej vitit 2019 edhe pse një pjesë të sezonit ka qenë në huazim, pork jo nuk e ka ndaluar të jetë një lojtar kyç, madje duke marrë dhe vëmendjen e disa prej klubeve më të mëdha evropiane.

LEXONI GJITHASHTU:

• Igli Tare e mbyll me Lazion pas 18 vjetësh, ish-sulmuesi: E arritëm objektivin
• “Furtunë” te Milani, shkarkohen drejtuesit. Revoltohen lojtarët për Maldinin