FOTO| Ky është një nga personat e përfshirë në masakrën e Don Boskos

Policia ka arrestuar një nga personat e përfshirë në masakrën në Don Bosko, ku u qëllua me breshëri kallashnikovi në drejtim të lokalit në pronësi të Fation Muratit.

Bëhet fjalë për Nikoll Sherrnikun. 28-vjeçari dyshohet për veprën penale “Sigurimi i kushteve dhe mjeteve materiale për të kryer vrasje”.

Sherrniku dyshohet se siguroi targat gjermane për makinën e personave që morën pjesë në atentat.

Ai ka qenë në burg prej gushtit të vitit të kaluar pasi u arrestua për armëmbajtje pa leje dhe municion luftarak. Para se të kapej ai siguroi targat gjermane që u përdorën në masakrën e Don Boskos.

Ka qene i dyshuar dhe ndaluar për vrasjen e ish-policit Xhulio Prela, por më pas është liruar për mungesë provash. Njihet edhe si lidhje e ngushtë e Brilant Martinajt, i ekzekutuar në mbikalimin e Fushë Krujës, por dhe i të zhdukurit Ervis Martinaj.

Si pasojë e të shtënave të asaj nate humbi jetën banakierja Mimoza Paja, si dhe u plagosën 6 persona të tjerë, përfshirë dhe mbesën e mitur të viktimës.

Policia ka edhe emra të tjerë të dyshuar, por nuk mund t’i bëjë me dije për shkak të sekretit hetimor.

Policia bën me dije se po vijon puna për zbardhjen e plotë të ngjarjes dhe dokumentimin ligjor të personave të përfshirë.

LEXONI GJITHASHTU:

• Ermal Hasimja: Para se të vritej banakjerja isha në Don Bosko, mund të mos isha sot
• Masakra në Don Bosko. Vocaj: Kemi informacione për persona konkretë të përfshirë