Aleksandar Vuçiç takon liderët serbë të Kosovës, brenda 72 orësh publikohen konkluzionet

Drejtues  të Listës Serbe sot në Beograd takuan presidentin e Serbisë, Aleksandar Vuçiç. Presidenca serbe në komunikatën për media, deklaroi se Vuçiç dhe përfaqësuesit politikë e institucionalë të serbëve në Kosovë, kanë arritur disa konkluzione, që për qëllim kanë, ruajtjen e interesave të serbëve në Kosovë.

Në komunikatë shkruan se brenda 72 orësh publiku do të njoftohet për dakordësitë konkrete të arritura, derisa janë paralajmëruar edhe konsulta shtesë brenda kësaj periudhe kohore.

“Publiku do të informohet rreth konkluzioneve konkrete në 72 orët e ardhshme, pas konsultimeve shtesë me të gjithë përfaqësuesit e serbëve në Kosovë, si dhe me të gjithë përfaqësuesit e komunitetit ndërkombëtar”, shkruan në komunikatën e presidencës së Serbisë.

Në këtë takim ka marrë pjesë edhe drejtori i të ashtuquajturës “Zyra për Kosovën” në qeverinë e Serbisë, Petar Petkoviç.

Kjo vizitë e Listës Serbe në Serbi dhe koordinim me Vuçiçin vjen në kohën kur raportet me Qeverinë Hoti janë tejet të brishta.