KiE dënoi dhunën në protestë, Erlis Çela: Policia s’e ka idenë se si duhet të sillet

Protestat e fundit në Shqipëri për vrasjen e të riut Klodian Rasha janë përcjellë me shqetësim të lartë nga Këshilli i Evropës. Me një deklaratë për shtyp, komisionerja Dunja Mijatoviç ka kërkuar hetim të plotë për zbardhjen e ngjarjes, kurse Policisë së Shteti i kërkon të ndalë dhunën dhe përplasjet me protestuesit.

Pedagogu Erlis Çela komentoi në Euronews Albania shqetësimet e ngritura nga Komisioni i Evropës për zhvillimet e fundit mbi protestat në Shqipëri, ku nuk munguan as aktet dhunës.

Ai tha se mënyra se si Policia e Shtetit i trajton protestat lë shumë për të dëshiruar. Sipas tij, Policia e Shtetit ende nuk e ka të qartë se si duhet të sillet me protestuesit.

“Mënyra se si Policia e Shtetit trajtoi këtë protestë, por edhe protestat përpara lë shumë për të dëshiruar. Duket qartë se Policia nuk e ka idenë se si duhet të sillet në të tilla raste, nuk janë koshientë. E drejta e protestës është një e drejtë që garantohet dhe si e tillë nuk mund t’u mohohet qytetarëve”, tha ai.

Ai gjithashtu shtoi se ajo që mbetet shqetësuese në këtë aspekt është tek mos-reflektimi i qeverisë shqiptare.

“Deri tani nuk ka një reflektim nga qeveria për mënyrën se si trajtohen situata të tilla”, tha Çela.

Lexoni gjithashtu: 

Vrasja e Klodian Rashës, KiE: Zero tolerancë ndaj policëve të përfshirë në episode dhune