Polici i lënduar në protestë u dërgua në Turqi, Edi Rama: Operacioni ka dalë me sukses

Kryeministri i Shqipërisë, Edi Rama, gjatë komunikimit që zhvilloi me komitetin e ekspertëve turq për pandeminë e COVID-19, tha se efektivi i Policisë që mbeti i plagosur në sy gjatë protestës për vrasjen e Klodian Rashës i është nënshkruar operacionit dhe ka dalë me sukses.

Efektivi i Policisë dy ditë më parë u transportua në Turqi për ndërhyrje kirurgjikale. Shefi i qeverisë në fjalën e tij tha se transpalanti i kornesë së syrit ka rezultuar me sukses.

 “Falënderues për mjekët që kanë trajtuar një efektiv policie, që pati një plagosje në protestë, faktikisht rrezikoi të humbte masën e syrit. Pas operacionit të parë dhe vetë familja dhe ne kërkuam që të shkonte në Turqi për një ndërhyrje të specializuar, një transplant të kornesë së syrit për të cilin, kemi marrë lajmi se ka dalë me sukses. Falënderim të veçantë dhe ambasadorit që ishte në dispozicion pa orar për të realizuar transportimin e tij në kohë rekord”, tha Rama.

Ai shtoi se operacioni i dytë për shkak të dëmetimit nuk ishte i garantuar, por puna e mjekëve në Turqi ka bërë që efektivi të dalë me sukses nga ndërhyrja kirurgjikale.

“Arsye për t’u gëzuar sot pasi gjendja e djalit ishte jo e lehtë dhe operacioni i dytë nuk ishte diçka e garantuar. Për këtë arsye u desh që të shkonte në atë spital, ku me sa duket ka dalë me sukses dhe kjo është diçka e gëzuar për familjen, prindërit, kështu që faleminderit dhe njëherë për këtë”, tha Rama.