Milan shënon golin më i shpejtë në Serie A, Inter arrin fitoren e tretë radhazi

Vetëm 7 sekonda iu deshën Milanit që të shënonte golin e parë në takimin e javës së 13-të. Goli i Rafael Leao është më i shpejti në historinë e Serie A, pasi më herët rekordi mbahej Paolo Poggi, i cili kishte shënuar me fanellën e Piacenza ndaj Fiorentinës pas 8 sekondash në sezonin 2001-2002.

Skuadra e drejtuar nga Pioli u rikthye tek fitorja pas dy barazimesh radhazi, duke fituar me rezultatin 1-2. Kuqezinjtë ishin dominues në pjesnë më të madhe të lojës, duke bërë në një farë mënyrë dhe autokritikë për ndeshjet e fundit. Pas këtij suksesi, Milan ruan vendin e parë, pavarësisht se është reduktuar ndjeshëm distanca me ndjekësit.

Milan ka nisur që të ndjejë presionin e rivalëve të përjetshëm, Interit, që në takimin me Spezian fitoi me rezultatin 2-1. Kjo ishte ndeshja e tetë radhazi në Serie A që zikaltrit nuk munden dhe fitorja e pestë radhazi.

Pas 13 javësh ekipi i Antonio Contes e sheh veten vetëm 1 pikë pas MIlanit dhe tashmë ka përqendrimin maksimal në kampionat, pasi nuk ndodhet në asnjë kompeteticion ndërkombëtar.