Sipas INSTAT më shumë se 47 mijë shqiptarë janë larguar nga Shqipëria gjatë 2019-tës

Më shumë se 47 mijë persona kanë emigruar nga Shqipëria, tregon një raport i INSTAT mbi diasporën shqiptare.

Numri i emigrantëve të rinj të vitit 2019, e zgjeroi diasporën shqiptare me 2.6%.

Sipas vlerësimeve, numri i diasporës së re llogaritet të jetë rreth 1,64 milionë shtetas jashtë vendit ose rreth 36% të shtetasve shqiptarë.

Individët e larguar nga Shqipëria, në periudhën kohore 2011 – 2019 rezulton të jetë 360 699 banorë.

Sipas Anketës së Forcës së Punës, të vitit 2019, arsyeja kryesore e largimit nga Shqipëria është “Mundësi punësimi” me 83,7%, e cila ndiqet nga “Bashkimi Familjar” me 9%, “Mundësi studimi” me 3.5% dhe arsyet e tjera përbëjnë 3.8% të numrit total të anketuesve.

Vendet që kanë një numër të lartë shtetasish shqiptarë, si dhe rezidentë të lindur në Shqipëri janë: Greqia. Italia, Gjermania dhe Mbretëria e Bashkuar.

Por ajo qe vihet re për vitin 2019 është se në shpërndarjen e emigrantëve shqiptarë sipas destinacioneve, Italia ka qenë shteti me numrin më të lartë te emigrantëve shqiptarë, me rreth 39.4%.