Zjarr në një banesë në Tiranë, humb jetën 50-vjeçari

Policia e Tiranës njofton se mëngjesin e sotëm ka rënë një zjarri në një banesë në rrugën “Njazi Meka” në kryeqytet.

Në njoftim thuhet se si pasojë e rënies së zjarrit, ka humbur jetën një person, rreth 50 vjeç me iniciale P.C.

Nuk dihen ende shkaqet e zjarrit. 

“Më datë 22.12.2020, rreth orës 09:22, në rrugën “Njazi Meka”, ka rënë zjarr në një banesë, ku si pasojë e asfiksimit ka humbur jetën shtetasi P.C., rreth moshës 50 vjeç.

Shërbimet e zjarrfikëses ndodhen në vendngjarje dhe po punojnë për fikjen e zjarrit.

Grupi hetimor vijon punën për sqarimin e rrethanave të ngjarjes dhe përcaktimin e shkakut të rënies së zjarrit”, thuhet në njoftimin e Policisë.