Zgjedhjet e 25 prillit, PD cakton tre drejtuesit e qarqeve në Vlorë, Shkodër dhe Fier

Pritjes së strukturave të Partisë Demokratike për të mësuar emrat e drejtuesve të qarqeve duket se po i vjen fundi. Sot pritet të prezantohen emrat e 2 prej drejtuesve politikë në Shkodër dhe Fier. Në orën 18 në selitë e këtyre dy qyteteve do të bëhet prezantimi zyrtar i personave kyç në fushatën e demokratëve.

Euronews Albania ka mësuar se drejtimi i qarkut të Shkodrës do t’i besohet ish-deputetit demokrat Helidon Bushati, ndërsa Fierin kryetari Basha ia ka besuar ish-ministrit të Drejtësisë Enkelejd Alibeaj.

Numri i drejtuesve politikë shkon në 3 po të shtojmë këtu edhe Bujar Leskajn, i prezantuar më herët si drejtues i qarkut të Vlorës. Në ditët në vijim pritet të zyrtarizohen edhe emrat e drejtuesve të 9 qarqeve të tjera të mbetura.

 Kjo lëvizje shënon edhe ndezjen zyrtare të motorëve fushatës elektorale të demokratëve për zgjedhjet e 25 prillit. Këto vendime janë konsideruar si të vonuara nga aleatët e opozitës, pasi kundërshtari politik, partia socialiste i ka shpallur drejtuesit e qarqeve që në muajin shtator.

Lexoni gjithashtu:

Zgjedhjet e 25 prillit, Paloka: Brenda pak ditësh do caktojmë drejtuesit në qarqe