Kryeministri rumun reagon për ngjarjet në Rusi: Po monitorojmë situatën me aleatët

Kryeministri rumun Marcel Ciolacu ka reaguar në lidhje me rebelimin e brendshëm që po ndodh në Rusi, ku mercenarët e Wagner kanë nisur një fushatë të armatosur kundër ushtrisë ruse.

Përmes një postimi në Twitter, Ciolacu thotë se të gjitha autoritetet rumune po monitorojnë nga afër situatën në Rusi, në bashkëpunim të plotë me aleatët.

“Të gjitha autoritetet rumune po monitorojnë nga afër situatën në Rusi, në bashkëpunim të plotë me aleatët tanë. Për situatën jam i informuar vazhdimisht nga Ministria e Mbrojtjes. Ne jemi në koordinim me aleatët tanë”, shkroi Ciolacu në Twitter.

Më parë, presidenti rumun Klaus Iohannis njoftoi gjithashtu se autoritetet rumune po monitorojnë nga afër evolucionin e ngjarjeve në Rusi.

“Jam i informuar vazhdimisht për zhvillimet. Jemi në kontakt të vazhdueshëm me aleatët”, shkroi gjithashtu Iohannis në Twitter.

Kreu i Grupit Wagner, Yevgeny Prigozhin, deklaroi se forcat e tij kishin marrë kontrollin e objekteve ushtarake në Rostov-on-Don dhe aeroportin atje, sipas CNN.

All Romanian authorities are closely monitoring the situation in Russia, in full cooperation with our allies.
I am permanently updated by the Defense Ministry & MFA on the situation. We are in coordination with our Allies.

— Marcel Ciolacu (@CiolacuMarcel) June 24, 2023

LEXONI GJITHASHTU:

• VIDEO| Wagner drejt Moskës, hyrja e qytetit blindohet nga kamionë me rërë
• Nga shitës hamburgerësh në krye të mercenarëve, kush është ‘kuzhinieri’ i Wagner
• BBC publikon pamjet, autokolona e Wagner rrugës drejt Moskës