BE jep për Kosovën 24 milionë euro ndihmë

Mbështetja e Bashkimit Evropian, për reformat dhe përparimin në axhendë të qeverisë së Kosovës, është konkretizuar me 24 milionë euro, që janë derdhur në Thesarin e Kosovës gjatë muajit dhjetor.

Komisioneri për Fqinjësinë dhe Zgjerimin, Olivér Várhelyi tha se këto fonde do të ndihmojnë Kosovën në luftën ndaj pandemisë dhe efektet e saj në ekonomi.

“Kosova dhe BE-ja janë të dyja akoma në mes të pandemisë. Përmes këtyre pagesave të mbështetjes buxhetore, ne ndihmojmë Kosovën të ndërmarrë veprimet e nevojshme për të luftuar pandeminë:  të ndihmojë stabilizimin e financave publike, t’i ofrojë mbështetje bizneseve të vogla dhe qytetarëve nevojtarë për t’ia dalë mbanë vështirësive financiare me të cilat përballen në këtë situatë të vështirë. Ne qëndrojmë pranë popullit të Kosovës” u shpreh Varhelyi.