Putin nis hakmarrjen për revoltën e Wagner, “zhduket” komandanti i dytë i ushtrisë

Presidenti i Rusisë, Vladimir Putin, ka nisur hakmarrjen ndaj atyre që kishin dijen apo kishin bashkëpunuar me për rebelimin e Wagner.

Një ndër ta është dhe Gjeneralkoloneli Sergei Surovikin, i cili ishte komandanti i dytë i ushtrisë ruse. Sipas raportimeve në mediat ruse, ai është arrestuar por zyrtarisht nuk ka konfirmime edhe pse është rritur shqetësimi për zhdukjen e tij.

Dy burime pranë Ministrisë ruse të Mbrojtjes i konfirmuan The Moscow Times për arrestimin – edhe pse nuk është bërë e ditur zyrtarisht

Një burim tha se Surovikin kishte zgjedhur anën e shefit të Wagner, Yevgeny Prigozhin, gjatë rebelimit dhe për këtë arsye ai ishte arrestuar.

Të pyetur se ku ndodhet tani gjenerali, ata thanë: “Ne as që e komentojmë këtë informacion përmes kanaleve të brendshme”.

Lajmi vjen pasi gjenerali i lartë rus, i cili thuhet se kishte njohuri të avancuara për rebelimin e mercenarëve të Wagner, nuk është parë që nga shpërthimi i kryengritjes së armatosur të shtunën.

Inteligjenca amerikane kishte thënë më parë se Surovikin dinte për planet e Prigozhin për t’u rebeluar kundër udhëheqjes ushtarake të Rusisë, sipas New York Times.

Para nisjes së kryengritjes, Prigozhin ishte shprehur i nervozuar kundër Sergei Shoigu, ministrit rus të mbrojtjes, dhe Valery Gerasimov, shefit të shtabit të përgjithshëm, duke i fajësuar ata për dështimet në Ukrainë dhe mungesën e mbështetjes së ushtrisë për luftëtarët Wagner.

LEXONI GJITHASHTU:

• ‘Putin kërcënim për Rusinë”, Navalny reagon nga qelia për kryengritjen e ‘Wagner’
• Ç’do ndodhë me Rusinë? Ekspertët: Kryengritja nuk e ka dobësuar pushtetin e Putin