Akuzat për racizëm, arrestohet trajneri i PSG

PSG është aktualisht pa trajner e kjo për faktin se Christoph Galtier është arrestuar nga policia franceze.

56-vjeçari është ndaluar në Nice, ndërsa së bashku me të policia ka shoqëruar në komisariat dhe të birin, John Valovic-Galtier. Akuzat që rëndojnë ndaj teknikut në fjalë lidhen me sezonin 2021-2022, periudhë gjatë së cilës drejtonte skuadrën e Nice, në Ligue 1.

Gjatë asaj kohe Galitier ka bërë disa komente diskriminuese, raciste e islamofobike. Denoncimi në fjalë është bërë nga ish-drejtori i Nice, konkretisht Julien Fournier. Në momentet kur trajneri i parizienëve është njohur me akuzat është shprehur i çuditur, ndërsa policia menjëherë ka bërë arrestimin e tij, ndërsa ka 24 orë kohë për të provuar deklaratat e Fournier, në të kundërt Galtier duhet të rikthehet në punë.

Në një situata të tillë, me 57-vjecarin që ka problem me drejtësinë e jo vetëm, pasi dhe skuadra nuk është në ritmin e duhur, drejtuesit e skuadrës kanë vendosur ta zëvendësojnë. Spanjolli Luis Enrique pritet të marrë postin e trajnerit të PSG, ndërsa zyrtarizimi është çështje ditësh. Sipas informacioneve, Enrique do ta drejtojë skuadrën pariziene në dy sezonet e ardhshme.

LEXONI GJITHASHTU:

• Mbappe përplaset me PSG, nuk rinovon kontratën dhe mund të largohet
• Ligue 1 ul siparin, PSG shpallet kampione