Mbappe përplaset me PSG, nuk rinovon kontratën dhe mund të largohet

Drejtuesit e PSG dhe ylli Kylian Mbappe do t’i japin dorën njëri-tjetrit verën e ardhshme, me 24-vjeçarin që refuzon qëndrimin në kryeqytetin francez. Mediat evropiane e bëjnë fakt të kryer largimin e tij, ku edhe pasi fitoi titullin kampion në Ligue 1, duket se sulmuesi kërkon një eksperiencë të re. Nëpërmjet një deklaratë të shkurtër, Mbappe pohon se në lidhje me këtë vendim e ka informuar skuadrën e tij që në verën e vitit të shkuar.

“Kurrë nuk kam diskutuar rinovimin e kontratës me PSG-në. Drejtoria e klubit, një vit më parë, më 15 korrik 2022 u informua me vendimin tim për të mos rinovuar dhe qëllimi i vetëm i letrës ishte konfirmimi i asaj që tashmë ishte thënë gojarisht më parë”, deklaroi Mbappe.

Drejtuesit e klubit parizien pohonin se nuk ka pasur asnjë bisedim mes palëve, e se Mbappe do të jetë lojtari i tyre dhe në vitet e ardhshme. Përgjigja e kampionit të botës hodhi poshtë çdo deklaratë të tyre, ndërsa tanimë po mendon për skuadrën e re. Reali i Madridit mbetet destinacioni kryesor, ndërsa duhet ende shumë kohë deri në konfirmim.

LEXONI GJITHASHTU:

• Euro 2024, Moldavia “kërcënon” Shqipërinë: Dimë ku t’i godasim
• Neymar drejt Anglisë, 31-vjeçari do largohet nga PSG në verë