Qendër e re për krimet ruse, për ngjarjet që Gjykata Ndërkombëtare nuk i procedon

Prokurorët ndërkombëtarë kanë bashkuar forcat për të krijuar një strukturë të re për hetimin e krimeve ruse në Ukrainë.

Qendra ndërkombëtare për procedimin e krimeve të agresionit rus ndaj Ukrainës do të koordinohet nga agjencia evropiane Eurojust, në Hagë. Ajo do të hetojë krimet që shkojnë përtej kompetencave të autoriteteve të tjera ndërkombëtare.

 “Shtetet anëtare do të luajnë një rol kyç në mbledhjen e provave, identifikimin e dëshmitarëve, të dyshuarve dhe do të ekzekutojnë urdhër-arreste, përfshirë ato të lëshuara nga Gjykata Ndërkombëtare Penale, si dhe do të sigurohen që autorët e tyre të mos i shpëtojnë drejtësisë”, -tha Didier Reynders, komisioner i BE për Drejtësinë.

Ukraina thotë se Qendra do të luftojë agresionin që përbën një kërcënim ndaj gjithë komunitetit ndërkombëtar.

 “Agresioni i Rusisë ndaj Ukrainës dhe përdorimi i vazhdueshëm i forcës ndaj sovranitetit, integritetit territorial dhe pavarësisë politike të saj nuk është një agresion vetëm ndaj vendit tim, por përbën një kërcënim për paqen, sigurinë dhe stabilitetin global”, -tha Andriy Kostin, prokuror i përgjithshëm i Ukrainës.

Gjykata Ndërkombëtare Penale po heton aktualisht krimet në Ukrainë, por ajo nuk ka juridiksion për të proceduar krimet e agresionit. Qendra e re do ta bëjë këtë duke shënuar hapin e parë ndaj gjykimit të mundshëm të zyrtarëve rusë.

LEXONI GJITHASHTU:

• Presidenti Begaj mungon në ceremoninë pritëse të Bill Clinton, zbulohet arsyeja
• “Kujdes nga sumplementet çudibërëse”- Toma: S’trajtojnë sëmundjet, i agravojnë