Sakrifica e personelit shëndetësor, Papa Françesku falënderim për përkushtimin në luftën ndaj covid-19

Në ditën kur Europa ka nisur zyrtarisht vaksinimin në masë të popullsisë, Papa Françesku kujtoi viktimat e virusit Covid-19 dhe falënderoi punonjësit shëndetësore për përkushtimin e tyre në luftën kundër pandemisë.

“Lutjet e mia shkojnë për ato familje që në muajt e fundit kanë humbur njerëzit e dashur dhe për ata që janë prekur nga pasojat e kësaj pandemie. Falënderoj edhe ata doktorë, dhe të gjithë punonjësit e shëndetësisë që me përkushtimin e tyre në luftën ndaj këtij virusi, i është dashur të neglizhojnë edhe familjet e tyre”, u shpreh Papa Françesku.

Në lutjen e mbajtur virtualisht brenda në Vatikan, Papa Francesku bëri thirrje për durim dhe tolerancë teksa Italia, ashtu si shumë vende në Europë janë nën izolim përgjatë gjithë periudhës festive.

Mengjesin e së dielës, punonjësit shëndetësor filluan vaksinimin me vaksinën Pfizer-BioNtech. Italia ka raportuar mbi 70 mijë viktima që nga fillimi i Pandemisë, bilanci më tragjik ndër shtetet evropianë.