Rama i kundërpërgjigjet Metës dhe Berishës për çështjen e detit me Greqinë

Kryeministri Edi Rama ka reaguar ndaj kritikave dhe sulmeve lidhur me vendimin më të fundit të Greqisë për zgjerimin me 12 milje në Detin Jon. Rama i është kundërpërgjigjur Presidentit, Ilir Meta si dhe ish-kryeministrit, Sali Berisha.

Kreu i qeverisë shqiptare deklaron se vendimi është e drejtë e Greqisë që nuk prek Shqipërinë dhe kjo ccështje duhet ndarë nga ccështja e kufirit mes dy vendeve, që tashmë pritet të zgjidhjet në Gjykatën Ndërkombëtare të Hagës.

“Ilir Meta mirëkuptuaka ndjeshmërinë e qytetarëve mbi vendimin e autoriteteve greke për të ushtruar të Drejtën Ndërkombëtare të Detit për Greqinë dhe pasojat e mundshme që mund të paskërka ky vendim për vendin tonë! Në fakt jo, Ilir Meta vazhdon kërkon shesh për përsheshin e LSI!

Ilir Meta mirëkuptuaka ndjeshmërinë e qytetarëve mbi vendimin e autoriteteve greke për të ushtruar të Drejtën Ndërkombëtare të Detit për Greqinë dhe pasojat e mundshme që mund të paskërka ky vendim për vendin tonë! Në fakt jo, Ilir Meta vazhdon kërkon shesh për përsheshin e LSI!

— Edi Rama (@ediramaal) December 28, 2020

Vetëm të paudhët si Saliu e si Iliri dhe ndjekësit e tyre me Lulin e me Monikën në krye, mund të kërkojnë shesh për përshesh deri në det, ndërkohë që e vërteta është e qartë si drita e diellit: Shqipëria dhe Greqia nuk kanë arritur asnjë marrëveshje e prandaj do shkojnë në gjyq!

Vendimi në fjalë i Greqisë s’ka lidhje me zonën e kontestuar mes dy vendeve tona, sepse në atë zonë parimi i 12 miljeve është thjesht fizikisht i pamundur sipas Konventës aty ku ky parim nuk është e mundur të zbatohet, ose bëhet marrëveshje ose shkohet në gjykatë! Ja kështu Like”, shkruan Rama.

Lexoni gjithashtu:

Meta kërkon transparencë dhe përgjegjësi për çështjen e kufirit detar me Greqinë