“Ambulanca u vonua”| Tragjedia me 3 viktima në Kavajë, reagon kreu i Urgjencës

Tre persona humbën jetën tragjikisht të dielën në plazhin e Vilë-Bashtovës, në Kavajë. Babai dhe 2 djemtë e tij të mitur u mbytën teksa laheshin në det.

Dëshmitarë në vendin e ngjarjes thanë se kur ka ndodhur tragjedia, kanë marrë shërbimin e urgjencën në Rrogozhinë kur kanë bërë debat me shoferin e ambulancës pasi kjo e fundit ka mbërritur më tepër se gjysmë ore me vonesë.

I pyetur nga Euronews Albania, kreu u Urgjencës kombëtare, Skënder Brataj tha se nga thirrja deri në mbërritjen e ambulancës nga Rrogozhina “kanë kaluar vetëm 22 minuta”.

Ngjarja e rëndë ndodhi pas mesditës së të dielës ku babai 50-vjeçar së bashku me dy fëmijët e mitur përkatësisht të moshave 15 dhe 13 vjeç, nga Tirana kanë gjetur vdekjen ndërsa po laheshin në det.

Gazetarja e Euronews Albania, Kloida Gjuzi, ka shkuar menjëherë në vendngjarje, ku ka mësuar se në momentin e tragjedisë nuk atë zonë nuk ka pasur roje bregdetare.

Për të ndjekur kanalin e youtube të Euronews Albania KLIKO KËTU!

LEXONI GJITHASHTU:

Tragjedi në Kavajë, mbyten në det babai dhe dy djemtë e tij të mitur

Detaje nga tragjedia në plazhin e Vilë-Bashtovës, mungonte roja bregdetare