Papa Françesku emëron 21 kardinalë të rinj

Papa Françesku njoftoi sot se ka zgjedhur 21 kardinalë të rinj, duke përfshirë prelatët nga Jeruzalemi dhe Hong Kongu, vende ku katolikët janë pakicë.

Ai njoftoi zgjedhjen e tij gjatë paraqitjes së zakonshme javore në Sheshin e Shën Pjetrit, duke thënë se një ceremoni zyrtare do të mbahet më 30 shtator, raportoi AP.

Midis të përzgjedhurve janë disa prelatë që mbajnë ose do të marrin postet kryesore të Vatikanit, duke përfshirë kryepeshkopin e La Platës, Argjentinë, Kryepeshkopin Victor Manuel Fernandez, i cili sapo u emërua nga Papa për të drejtuar zyrën e fuqishme të Selisë së Shenjtë për të siguruar ortodoksinë doktrinare dhe për të mbikëqyrur akuzat e abuzimit seksual të klerikëve në mbarë botën.

Kardinalët e rinj do të jenë peshkopi i Hong Kongut, Stephen Sau-yan Chow, dhe zyrtari më i lartë i Vatikanit në Lindjen e Mesme, Imzot Pierbattista Pizzaballa, Patriarku Latin i Jerusalemit.

Të dy udhëheqin kishën në zonat gjeopolitike, të cilat janë një shqetësim i madh për Vatikanin, vlerëson agjencia amerikane. Kardinalët e rinj do të jenë gjithashtu priftërinj nga Cape Town, Afrika e Jugut, Juba, nga Sudani i Jugut, Penang, nga Malajzia dhe Łódź, nga Polonia.

Për të ndjekur kanalin e youtube të Euronews Albania KLIKO KËTU!

LEXONI GJITHASHTU:

• Papa: Jam i zemëruar dhe i neveritur nga djegia e Kuranit në Suedi 
• Kurti takon për herë të parë Papa Françeskun në Selinë e Shenjtë