Kërkesa e SPAK për Ahmetaj, caktohet data: Ja kur mblidhet Këshilli i Mandateve

Kryetarja e Kuvendit Lindita Nikolla ka njoftuar se mbledhja e Këshillit të Mandateve dhe Imunitetit për të shqyrtuar kërkesën e SPAK për arrestimin e Ahmetaj do të mbahet të martën.

Sipas dokumentit të Kuvendit të Republikës, mbledhja është parashikuar të mbahet në orën 16:00 të ditës së nesërme.

Kujtojmë se SPAK i është drejtuar me një kërkesë zyrtare Kuvendit të Republikës së Shqipërisë, ditën e premte, ku i kërkon autorizim për arrestimin e ish-zëvendëskryeministrit Arben Ahmetaj.

Ahmetaj është nën hetim nga Prokuroria e Posaçme në lidhje me çështjen e inceneratorëve.

Më herët organi i akuzës ka kryer kontrolle në banesat e ish-bashkëshortes dhe bashkëjetueses së Ahmetaj, ku janë sekuestruar dhe një sasi parash.

Ahmetaj po hetohet rreth dyshimeve për të paktën 4 vepra penale:

“Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, vetëm dhe në bashkëpunim, në formën e deklarimit të rremë, dhe në formën e fshehjes, parashikuar nga neni 257/a paragrafi i dytë, neni 25 i K.Penal,

“Korrupsionit pasiv të funksionarëve të lartë shtetërorë ose të zgjedhurve vendorë” parashikuar nga neni 260 i K.Penal, 6 (gjashtë) herë;

“Pastrimit të produkteve të veprës penale ose veprimtarisë kriminale”, në bashkëpunim, më shumë se një herë, parashikuar nga neni 287 paragrafi i dytë i K.Penal.

Për të ndjekur kanalin e youtube të Euronews Albania KLIKO KËTU! 

• LEXO GJITHASHTU:
• Kryemadhi ironizon kërkesën për Ahmetajn: Arrestimet venë e vijnë, por…
• Kërkesa për arrestimin e Ahmetaj, gazetari: Akuzat e “groposin”, goditje e fortë
• DOKUMENTI| SPAK kërkoi arrestimin e Ahmetaj, cilat janë 3 akuzat zyrtare