Fluks turistësh në portin e Sarandës, hyrje-daljet e udhëtarëve rriten me 17%

Porti i Sarandës shërben si një pikë kyçe për turizmin në qytetin bregdetar. Mijëra pushues çdo vit mbërrijnë nga Korfuzi në Sarandë, ndërsa nuk mungojnë turistët ditor që gjithashtu vijnë përmes detit.

“6 mujori i parë i 2023-shit ka shënuar rritje të hyrje-daljeve ne port 17% me shume me të njëjtën periudhë të një viti më parë. Vetëm shtetas të huaj të imbarkuar në strukturat portuale janë regjistruar 59.362 persona”,-tha gazetarja Anxhela Lushkaj

Për gjysmën e parë të këtij viti pasagjerët e përpunuar në total janë 134.969 përkundër 78.589 të 6 mujorit të parë të vitit 2022.

Saranda është kthyer edhe në një gji të ankorimit të jahteve luksoze , velierave dhe cruizeve.

“281 jahte dhe veliera janë regjistruar për ankorim në Portin e Sarandës, për këtë vit. 5 cruize kanë mbërritur për qëndrim një ditor teksa deri në muajin nëntor pritet të vijnë edhe 12 të tjera”,-tha gazetarja Anxhela Lushkaj

Fluksi i pasagjerëve të port ka bërë që kompanitë e udhëtimit Sarandë – Korfuz të rrisin numrin e lundrimeve duke shkuar në 12 linja të total.

LEXONI GJITHASHTU:

• Radhë të gjata në Qafë-Botë, qytetarët presin në temperatura të larta
• Sekuestrohen armë zjarri, municion luftarak dhe kokainë në Sarandë, 2 në pranga