Shoqërohen disa persona për vrasjen e Lekstakaj, zbardhet dëshmia e vëllait

Detaje të reja janë zbuluar nga vrasja e Nikolin Lekstakaj në qytetin e Lezhës.

Bëhet me dije se viktima ka qenë i vetëm në momentin kur është ekzekutuar. I vëllai i tij Bledar Lekstakaj është marrë në pyetje nga policia. Në dëshminë e tij Bledar Lekstakaj ka deklaruar se sapo ishte kthyer nga Tirana dhe ka qenë duke qëndruar në banesë me nënën e tij në momentin që Nikolini i ka marrë makinën për të shkuar për të blerë diçka në market.

Më tej ai ka deklaruar se pak minuta më vonë pasi vëllai ishte larguar me makinë për në market, ai kishte dëgjuar krisma armësh, por nuk kishte menduar dhe nuk e dinte se ishte vrarë vëllai i tij.

Bledari pohon në dëshminë e tij  është njoftuar pak më vonë për ngjarjen e rëndë se personi i ekzekutuar ishte vëllai i tij. Sipas dëshmive të familjarëve të viktimës, ky i fundit nuk ruhej dhe se lëvizte i lirë, pasi nuk i druhej ndonjë atentati.

Për ngjarjen e rëndë, policia e Lezhës ka shoqëruar disa persona të cilët janë marrë në pyetje.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Atentati në Lezhë, Drejtori i Policisë: Dyshojmë për hakmarrje mes fiseve
• Vrasja e 42-vjeçarit në Lezhë, policia informacion zyrtar