Një makinë e djegur në Gjadër të Lezhës, dyshohet e lidhur me vrasjen e Lekstakaj

Një makinë është gjetur e djegur në Gjadër të Lezhës. Brenda automjetit është gjetur dhe një armë.

Dyshohet se mund të ketë lidhje me atentatin ku u vra Nikolin Marku Lekstakaj.

42-vjeçari u qëllua me breshëri kallashnikovi pasi doli nga një market ku bleu një pije freskuese të mërkurën.

Njoftimi i policisë:

Në vijim të kontrolleve të kryera nga shërbimet policore në të gjithë territorin e rrethit të Lezhës me qëllim gjetjen dhe kapjen e autorëve,  në fshatin Gjadër të njësisë administrative Dajç, në një parcelë arë, nga shërbimet e policisë, është gjetur i djegur plotësisht një automjet tip Benz, i cili në shtator të vitit 2022, është denoncuar i vjedhur në Dimal të rrethit Berat.

Nga kqyrja e automjetit, në brendësi të tij, janë gjetur një armë zjarri automatik dhe disa gëzhoja, të gjitha të djegura plotësisht. Arma e zjarrit e gjetur dyshohet të jetë arma që është përdorur për vrasjen e shtetasit N.M.(L). U bë sekuestrimi i tyre në cilësinë e provës materiale për tu dërguar për ekspertime.

Nën drejtimin e prokurorisë, vijojnë veprimet hetimore procedurale të thelluara, për zbardhjen dhe dokumentimin e plotë ligjor të ngjarjes, identifikimin dhe kapjen e autorit/ëve.

LEXONI GJITHASHTU:

• FNSH dhe RENEA nisen drejt Lezhës pas vrasjes së Nikolin Lekstakajt
• Atentati në Lezhë, Drejtori i Policisë: Dyshojmë për hakmarrje mes fiseve