Pas vrasjes e cila dyshohet për motive hakmarrje në Balldre të Lezhës, FNSH dhe RENEA janë nisur drejt vendngjarjes.

Nikolin Marku (Lekstakaj) është 42-vjeçari i cili pasi doli nga një market ku bleu një pije freskuese u qëllua me breshëri kallashnikovi.

Ngjarja e rëndë dyshohet se ka lidhje me vrasjen e biznesmenit Ardian Nikulaj në prill të këtij viti.

Menjëherë në vendngjarje kanë shkuar shërbimet e Policisë dhe kanë bërë rrethimin e zonës, janë ngritur pika kontrolli e vijon krehja e zonës për identifikimin dhe kapjen e autorit/ëve.

Grupi hetimor nën drejtimin e Prokurorisë po vijon punën për zbardhjen dhe dokumentimin e rrethanave të ngjarjes, identifikimin dhe kapjen e autorit/ëve.

LEXONI GJITHASHTU:

• Atentati në Lezhë, Drejtori i Policisë: Dyshojmë për hakmarrje mes fiseve
• Vrasja e 42-vjeçarit në Lezhë, policia informacion zyrtar