Mashtrimet 4.7 milionë euro përmes Call Center-ave, arrestohet në Himarë i dyshuari

Policia e Himarës ka arrestuar një shtetas të shpallur në kërkim në kuadër të operacionit “Dream earnings”, ku u godit një grup që merrej me mashtrimin e qytetarëve italianë përmes skemës së Call Centerave.

Me arrestimin e kryer në Himarë shkon në 10 numri të bdaluarve, si të pëfshirë në këtë skemë mashrtruese, ndërkohë që vijojnë të mbeten në kërkim dhe 4 persona të tjerë.

Call-Center-i lokalizuar në Tiranë, në rrugën Dritan Hoxha, dyshohet se u ka marrë personave të dëmtuar në Itali një shumë që shkon deri në 4.7 milionë euro.

SPAK bëri me dije ditën e djeshme se hetimi nisi si pasojë e 140 kallëzimeve të bëra në Itali nga personat e dëmtuar.

LEXONI GJITHASHTU:

• SPAK godet rrjetin e mashtruesve të Call Center: Dëm 4.7 mln € shtetasve italianë
• EMRAT| Kush janë të arrestuarit për dëmin 4.7 mln € përmes Call Center-ave