Presidenti i Brazilit: Na duhet një politikë të përbashkët për të mbrojtur Amazonën

Presidenti brazilian Luiz Inacio Lula da Silva tha sot se samiti i javës së ardhshme të vendeve të Amazonës do të kërkojë të krijojë një politikë të përbashkët për mbrojtjen e pyjeve tropikale për herë të parë.

“Kam pritshmëri të mëdha nga ky samit. Për herë të parë do të kemi një politikë të përbashkët për Amazonën, për ruajtjen, sigurinë, kufijtë”, tha Lula, raporton Reuters.

Ai shtoi se duhet kërkuar nga kompanitë private që të ndihmojnë në ripyllëzimin e 30 milionë hektarëve tokë të degraduar.

“Ne do të flasim me sektorin e biznesit për një politikë për të ripyllëzuar 30 milionë hektarë tokë të degraduar me pemë që mund të përdoren nga industria e mobilieve”, tha Lula.

Tetë vendet e Organizatës së Traktatit të Bashkëpunimit në Amazon (ACTO), Bolivia, Brazili, Kolumbia, Ekuador, Guajana, Peru, Surinami dhe Venezuela, do të takohen më 7-8 gusht në qytetin Belem në grykëderdhjen e lumit Amazon dhe temat kryesore të samitit do të jenë ruajtja e pyjeve dhe siguria përgjatë kufijve.
LEXONI GJITHASHTU:

• Amazona përballet me shpyllëzimin më të madh në 15 vjet
• Fotot e vitit 2022 nga World Press Photo