Serie-A, Milan rikthehet te fitorja, Atalanta mposht 4-1 Beneventon

Milani iu rikthye rezultateve pozitive të shtunën duke fituar 2-0 ndaj Torinos në stadiumin San Siro.

Me një lojë pozitive, që u konkretizua me dy gola të Kessie dhe Leao, skuadra e Stefano Piolit mundi të largojë disi zhgënjimin pas humbjes 3-1 me Juventusin e javës që shkoi.

Shqetësojnë disi lëndimet e Tonalit dhe Diaz, të cilët i shtohen listës ku janë të përhershmit Bennacer, Rebic e Krunic, mirëpo lehtësoi disi situatën rikthimi i Ibrahomivc dhe Calhanoglu.

Milani vijoi kështu kryesimin e kampionatit italian, tashmë në kuotën e 40 pikëve, sasi pikësh kjo e pa-grumbulluar më parë që prej vitit 2004. Asokohe kuqezinjtë arrinin ta mbyllnin të parët si kampionë.

Në ndeshjet e tjera Atalanta mundi të fitojë 4-1 transfertën me Beneventon pa aktivizuar asnjë minutë mbrojtësin e kombëtares shqiptare Berat Gjimshitin. Iliçiç, Toloi, Zapata dhe Muriel zhbënë golin e Sau.

Atalanta ndodhet aktualisht në vendin e katërt në Serie-A me një pikë më shumë se Juventus, që ka një ndeshje më pak dhe sot pret në shtëpi Sassolon.

Lexoni gjithashtu:

Bundesliga, Dortmundi rikthehet në lojën për titull duke fituar ndaj Leipzig

La Liga, Real Madrid ndalet në barazim nga Osasuna, përfiton Barcelona

NBA, talenti LaMelo Ball realizon rekord ”triple-double”