Mbytet varka me 41 emigrantë në Itali, vetëm 4 të mbijetuar

Dyzet e një emigrantë vdiqën pasi një varkë e vogël, e cila ishte nisur  nga Tunizia, u mbyt ndërsa lundronte në ngushticën e Siçilisë.

Nga mbytja e varkës pati vetëm 4 të mbijetuar, tre burra dhe një grua, të cilët u shpëtuan nga një anije malteze që transportonte mallra.

Të mbijetuarit, me origjinë nga Bregu i Fildishtë dhe Guinea, zbarkuan në Lampedusa, ku u thanë ushtarëve të rojes bregdetare se në anije ishin gjithsej 45 persona, përfshirë 3 fëmijë.

Pas rreth 6 orësh lundrim, varka prej 7 metrash u përmbys për shkak të një dallge të madhe. Të gjithë emigrantët, sipas të mbijetuarve, përfunduan në det.

Vetëm 15 kishin jelek shpëtimi, por gjithsesi u mbytën.

As anija malteze, “Rimona” që i shpëtoi, as varkat e patrullës së Rojës Bregdetare nuk gjetën asnjë trup.

Kjo pasi të katërt të mbijeturait u shpëtuan disa ditë pas mbytjes së anijes dhe në një distancë nga vendi ku ndodhi tragjedia.

LEXONI GJITHASHTU:

• Mbytet një person në plazhin e Golemit në Durrës
• Mbytet një person pranë Ujit të Ftohtë në Vlorë