Përmbytjet në Slloveni, Von der Leyen viziton vendin, premton ndihma financiare

Bashkimi Evropian është zotuar për një paketë që do të ofrojë mbështetje financiare për Slloveninë, në përballjen me situatën e rëndë pas përmbytjeve.

Pasi vizitoi me helikopter shkatërrimet e shkaktuara nga përmbytjet dhe rrëshqitjet e tokës që kanë prekur zona të shumta të qendrës dhe veriut të Sllovenisë, Ursula von der Leyen deklaroi se Evropa është përkrah popullit slloven.

“Ne ishim me ju që në ditët e para, duke ofruar ndihmat e nevojshme si urat e lëvizshme, ekskavatorët, helikopterët dhe ekipet teknike. Dhe natyrisht, ne do të qëndrojmë këtu për sa kohë të jetë e nevojshme”, tha Von der Leyen.

Shirat e dendura dhe përmbytjet në Slloveni lanë 6 persona të vdekur. Ato u kthyen në katastrofën më të rëndë të vendit që nga pavarësia e tij tre dekada më parë. Qeveria vlerëson se dëmet e shkaktuara kalojnë kuotën e 500 milionë eurove.

LEXONI GJITHASHTU:

• Kryeministri i Sllovenisë: Dëmet nga përmbytjet arrijnë në disa miliardë euro 
• Përmbytjet në Slloveni, shkon në 6 numri i viktimave