Pronari dëbon nga plazhi familjen myslimane, shkak vajza e mbuluar me shami

Pronari i një biznesi në Mal të Zi ka dëbuar një familje  e cila kishte shkuar për pushime për shkak se  vajza e tyre ishte e veshur me hixhab.

Pas këtij incidenti ka reaguar edhe ministri i Punëve të Brendshme të Malit të Zi, Filip Axhiç, i cili ka fajësuar  për ngjarjen pronarin e biznesit Dragan Gj.

Ky i fundit është dërguar në ambientet e Departamentit të Sigurisë së Tivarit për deklarim. Axhiç ka theksuar se reagimi i policisë ka qenë i shpejtë, duke shtuar se pret përgjigje nga prokuroria.

Familja kishte shkuar në plazh për të shijuar banjën e diellit. Por situata është bërë e pakëndshme, pasi pronari i plazhit ka ndërhyrë dhe ka reaguar ashpër ndaj veshjes së hixhabit.

 

View this post on Instagram

 

A post shared by 192.RS (@192_rs)

“Në pishinën “Rocky Beach” në plazhin e Utjehës nuk lejohet noti me rroba dhe kjo shënohet në tabelën përballë pishinës. Ata mund të notojnë me burka, me hixhab në det, ashtu siç bëjnë, por jo në pishinë”, tha pronari i plazhit, Dragan Gj.

LEXONI GJITHASHTU:

• Mbrojtësja e Marokut bëhet futbollistja e parë që mban ‘hixhab’ në Kupën e Botës
• Blogerja: Hixhabi nuk më pengon për të bërë plazh