Teknologjia në zgjedhje, KQZ kërkon takim me partitë politike

Komisioni i Qendror i Zgjedhjeve ka kërkuar të zhvillojë një  takim me subjektet politike. Gazetari i Euronews Albania, Ardit Hoxha bën të ditur se fokusi i takimit mes KQZ-së dhe partive politike do të vihet tek aplikimi i teknologjisë në zgjedhje, kryesisht në identifikimin biometrik dhe  votimin elektronik.

Takimi pritet të mbahet pasditen e nesërme duke nisur nga ora 15:30. Për projektin pilot mbi votimin elektronik palët politike janë pajtuar të aplikohet në Korçë, por ndahen në variantin tjetër, atë mes Tiranës dhe Fierit.

Votimi dhe numërimi elektronik është parashikuar të bëhet në një zonë që duhet të ketë jo më pak se 10% e totalit të votuesve në vend.

Qytetarët shqiptarë më të drejtë vote më 25 prill të këtij viti do të zgjedhin qeverinë e re, e cila do t’i drejtojë në katër vitet e ardhshme.