Bie numri i studentëve në Universitetin e Prishtinës, rektorati tregon arsyet

Numri i studentëve në Universitetin “Hasan Prishtina”, në Kosovë, ka ardhur në rënie. Këtë vit janë regjistruar vetëm 6 mijë studentë nga afro 8 mijë që ishin vitin e shkuar. Sipas rektoratit të këtij universiteti, janë disa arsye që kanë ndikuar në këtë situatë.

“Ndër arsyet që mund të ketë ndikuar në uljen e numrit të aplikimeve është edhe fakti se numri i maturantëve në nivel vendi ka rënë dhe kjo është reflektuar edhe në numrin e aplikimeve në UP. Ndërkohë, në disa vite akademike, Universiteti i Prishtinës ka regjistruar vetëm studentë të rregullt dhe jo studentë me korrespodencë. Gjithashtu aspekti demografik; lëvizjet e brendshme dhe të jashtme të të rinjve të Republikës së Kosovës”, thuhet nga Rektorati i Universitetit të Prishtinës.

Por, këto argumente nuk pranohen nga ekspertët e arsimit. Sipas tyre, faji qëndron diku tjetër.

Për ekspertin Rinor Qehaja, ndikim kanë edhe shkollat profesionale, ndërsa shtoi se ulja e numrit të studentëve duhet të jetë alarm për universitetet publike.

Universiteti i Prishtinës ka bërë të ditur se së shpejti do të hap afatin plotësues për regjistrimin e 2711 studentëve të rinj, nëse do të ketë interes nga ana e atyre që këtë vit shkollor kanë përfunduar maturën.

LEXONI GJITHASHTU:

• A e përgjoi Shqipëria Kosovën? Eksperti i sigurisë: Tërmet në politikën e Prishtinës
• Konflikti në lokalin e Prishtinës, humb jetën një person, 4 në gjendje të rëndë