“Ukraina po përdor bomba thërmuese”- Udhëheqësi rus në Donetsk ngre alarmin

Udhëheqësi i instaluar nga Rusia në rajonin e pushtuar të Donetskut pretendon se një civil është vrarë nga forcat ukrainase duke përdorur municione thërrmuese, armë të ndaluara nga mbi 100 vende.

Denis Pushilin, kreu i caktuar nga Rusia i asaj që Moska e quan Republika Popullore e Donetskut, shkroi në Telegram se civili u vra në lagjen Petrovsky të qytetit.

Ai pretendoi se gjashtë persona, duke përfshirë një vajzë 12-vjeçare, u plagosën gjithashtu në Makeyevka dhe Svetlodarsk aty pranë.

“Sot,” shkroi Pushilin, “qytetet dhe rrethet paqësore të Republikës po i nënshtrohen bombardimeve intensive nga formacionet e armatosura ukrainase duke përdorur municione thërrmuese”.

Pushilin nuk dha asnjë fotografi apo provë tjetër për të mbështetur pretendimet e tij.

Bombat thërrmuese janë armë të shpërndara me avionë, artileri ose raketa, të cilat hapen në ajër për të lëshuar deri në 100 ‘bomba’ në një hapësirë të madhe.

Përdorimi i bombave thërrmuese në zona civile shkel ligjin ndërkombëtar dhe mund të konsiderohet një krim lufte.

Shtetet e Bashkuara ranë dakord në mënyrë të diskutueshme për t’i dërguar ato në Ukrainë muajin e kaluar, duke shkaktuar shqetësim për shumë prej aleatëve të saj në Perëndim.

Dy javë më vonë, SHBA konfirmoi se armët po përdoreshin “në mënyrë efektive” nga ukrainasit, por nuk konfirmuan se si.

LEXONI GJITHASHTU:

• Rusia akuzon Ukrainën tentoi të sulmonte urën në Krime
• Rusia kërkon ujë në Hënë, e para ekspeditë pas gati 50 vitesh
• Dy dronë ukrainas rrëzohen pranë Moskës, në shënjestër aeroporti më i madh i Rusisë