English

Rusia akuzon Ukrainën tentoi të sulmonte urën në Krime

KOMENTE

SHPERNDAJE
ARTIKULLIN

Text sizeAa Aa

Forcat e mbrojtjes ajrore të Rusisë kanë rrëzuar dy raketa ukrainase mbi urën që lidh Krimenë e aneksuar me Rusinë, tha një zyrtar më 12 gusht.

- Advertisement -

“Forcat e mbrojtjes ajrore kanë rrëzuar dy raketa të armikut mbi Ngushticën Kërç. Ura e Krimesë nuk është dëmtuar”, tha Sergei Aksyonov, guvernator i instaluar nga Rusia në Gadishullin e Krimesë.
Ai u bëri thirrje banorëve që të ruajnë qetësinë.

Disa fotografi të publikuara në rrjetet sociale shfaqën tym duke dalë në afërsi të urës.

Në një deklaratë të ndarë, Ministria e Mbrojtjes së Rusisë tha se Kievi ka tentuar që të sulmojë urën në Krime me raketa kundërajrore të llojit S-200.

Raketat janë detektuar dhe penguar nga sistemet e mbrojtjes ajrore të Rusisë, tha ministria, duke shtuar se nuk ka viktima e as dëme.

Më herët gjatë së shtunës, Rusia tha se ka rrëzuar 20 dronë ukrainas afër Gadishullit të Krimesë, zonë ku Kievi ka intensifikuar sulmet.

Katërmbëdhjetë dronë u rrëzuan nga sistemet e mbrojtjes ajrore dhe gjashtë përmes pajisjeve luftarake elektronike, tha Ministria e Mbrojtjes.

Krimea, e aneksuar nga Rusia më 2014, ka qenë shënjestër e Kievit që kur Ukraina ka nisur kundërofensivën e saj javëve të fundit.

Kievi vazhdimisht ka thënë se planifikon të rimarrë kontrollin e Krimesë dhe po ashtu ka sulmuar urën në Krime, që është një prej projekteve kryesore të prezantuara nga presidenti rus, Vladimir Putin.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×