EMRAT| Sekuestrohen 26 kg kanabis në Korçë, arrestohen 4 persona

26 kilogramë kanabis janë sekuestruar në Korçë ndërsa 4 persona janë arrestuar pasi në bashkëpunim me njëri tjetrin magazinonin lëndën narkotike pranë Qendrës së Rasatit të Koranit, në Pogradec për ta trafikuar atë, me varka peshkimi, drejt RMV-së.

Dy prej të arrestuarve janë punonjës të qendrës dhe pagueshin 500 euro për kilogramë.

Së bashku me lëndën narkotike u sekuestruan 1 varkë peshkimi, 2 automjete dhe 4 celularë.

Ardian Toska, 51 vjeç, Aurel Toska (punonjës pranë Qendrës së rritjes së Rasatit të Koranit), 43 vjeç, Roni Sulollari, 45 vjeç, Tane Bllazhe (punonjës pranë Qendrës së rritjes së Rasatit të Koranit), 53 vjeç janë katër shtetasit që ranë në prangat e policisë.

2 vëllezërit, Ardian dhe Aurel Toska siguronin lëndën narkotike që do të trafikohej dhe e magazinonin atë në afërsi të Qendrës së Rasatit të Koranit, në Pogradec. Më pas lënda narkotike trafikohej drejt RMV-së, me varka peshkimi që drejtoheshin nga shtetasit Roni Sulollari dhe Tane Bllazhe.

Vijojnë hetimet për identifikimin dhe për arrestimin e shtetasve të tjerë që mund të jenë të implikuar në këtë veprimtari kriminale.

LEXONI GJITHASHTU:

• U përplas me Benz-in e parkuar në rrugë, shoferja dërgohet në spitalin e Korçës
• S’i dhanë dokumentet e makinës policëve që i ndaluan, e “pësojnë” të rinjtë në Korçë