Rreth 50 persona kanë vdekur si pasojë e reshjeve të shumta në Indi

Pothuajse 50 persona kanë humbur jetën nga incidentet e shkaktuara nga shirat e dendur në  24 orët e fundit në shtetin verior indian të Himachal Pradesh.

Në një nga incidentet më vdekjeprurëse, të paktën nëntë persona vdiqën kur një tempull u shemb në kryeqytetin e shtetit, Shimla.

Zyrtarët kanë frikë se më shumë njerëz mund të mbeten ende të bllokuar nën rrënoja.

Kryeministri Sukhvinder Singh Sukhu tha se shirat e dendur shkaktuan rrëshqitje dheu dhe përmbytje të shpejta në shtetin kodrinor.

Shirat e vrullshëm prej disa ditësh i kanë rrënuar ndërtesat dhe shkatërruar urat në shtetet veriore, Uttarakhand dhe Himachal Pradesh.

Vërshimet dhe rrëshqitjet e dheut janë të zakonshme dhe shkaktojnë shkatërrim të madh gjatë sezonit të shirave në Indi, por ekspertët thonë se ndryshimi klimatik është duke e rritur shpeshtësinë dhe ashpërsinë e tyre.

Kryeministri Sukhvinder Singh Sukhu tha se shirat e dendur shkaktuan rrëshqitje dheu dhe përmbytje të shpejta në shtetin kodrinor. Sukhu u ka bërë thirrje njerëzve që të qëndrojnë brenda dhe të mos shkojnë pranë lumenjve.

Bota tashmë është ngrohur me rreth 1.1C që nga fillimi i epokës industriale dhe temperaturat do të vazhdojnë të rriten nëse qeveritë në mbarë botën nuk bëjnë shkurtime të mëdha të emetimeve.

Videot e shpërndara në mediat sociale gjatë ditëve të fundit tregojnë automjete dhe ndërtesa që fshihen nga lumenj që rrjedhin, pemë që bien mbi makina dhe turistë të bllokuar për shkak të mbylljes së rrugëve.

LEXONI GJITHASHTU:

• Festivali i 41 i këngës arbëreshe/ 3 netë me muzikë shqiptare ndezin San Demetrion
• Spahiu: Fajin nuk e ka Beleri, por Berisha që e votoi kryetar në Himarë