Shkencëtarët emërtojnë speciet e reja të gjarpërinjve sipas Harrison Ford

Personazhi legjendar i Indiana Jones i Harrison Ford mund të ketë urryer gjarpërinjtë , por aktori tani ka një zvarranik në emër të tij.

Studiuesit nga Gjermania, Shtetet e Bashkuara dhe Peruja kanë zbuluar një specie të re gjarpri në malet e Andeve të Perusë dhe e kanë emëruar sipas legjendës veterane të ekranit, Harrison Ford.

I vetmi ekzemplar, një mashkull, u zbulua duke bërë banja dielli në vitin 2022 në Parkun Kombëtar Otishi të Perusë. Është një gjarpër i hollë, me përmasa modeste 40.6 cm  dhe nuk është i dëmshëm për njerëzit.

Shoqata Gjermane për Herpetologjinë dhe Herpetokulturën (DGHT) njoftoi emërtimin e Tachymenoides harrisonfordi për të njohur mbrojtjen mjedisore të aktorit të Hollivudit.

“Këta shkencëtarë vazhdojnë të emërojnë krijesat pas meje, por janë gjithmonë ato që i tmerrojnë fëmijët”, tha Ford me shaka në një deklaratë.

Aktori 81-vjeçar falenderoi studiuesit për këtë nder të kohëve të fundit: “Me gjithë seriozitetin, ky zbulim është përulës. Është një kujtesë se ka ende shumë për të mësuar rreth botës sonë të egër – dhe se njerëzit janë një pjesë e vogël e një biosferë jashtëzakonisht e madhe.”

LEXONI GJITHASHTU: 

• Prodhonte qymyr në mënyrë të paligjshme, procedohet në gjendje të lirë 56-vjeçari
• Zgjedhjet e 24 shtatorit në Kukës, Meta tregon se cili do të jetë qëndrimi i PL-së