“Kryqëzimi i Cërrikut” problematik, shoferët: Mungon sinjalistika

Jo vetëm në aksin Bradashesh-Elbasan por edhe në unazën jugperëndimore të qytetit të Elbasanit, i njohur ndryshe si “kryqëzimi i Cërrikut” situata e trafikut mbetet kaotike.

Thuajse çdo ditë kjo është gjendja me të cilën përballen drejtuesit e automjeteve.

Një kryqëzim i cili lidh, jo vetëm aksin nacional Elbasan – Librazhd, apo Elbasan – Tiranë, por edhe rrugët e fshatrave në drejtim të qytetit. Kjo e bën një nga kryqëzimet më të ngarkuara, por edhe më të rrezikshme, deri në momentin që këmbësore dhe mjete duhet të ndajnë të njëjtën rrugë.

“Aq keq është, nuk e di, do kalosh në ajër. Ajo ishte me karrocë me fëmijë dhe ai nuk u zmbrapste që të kalonte gruaja”, shprehet një këmbësor.

Kryqëzimi i Cërrikut, tashmë është i njohur jo vetëm në Elbasan, por edhe më gjerë, jo për shkak të rëndësisë si një nyje e rrugëve kryesore nacionale të vendit, por për shkak të kaosit në trafik që shkaktohet në këtë kryqëzim thuajse në çdo orar të ditës.

“Ne po vijmë nga Durrësi, udhëtojmë drejt Korçës dhe trafiku ka qenë skandal, realisht skandal. Kemi 20 minuta gjatë gjithë rrugës”, shprehet një drejtuese mjeti.

Shoferët bëjnë thirrje që të merren masa për të shmangur orët e gjata në trafik.

LEXONI GJITHASHTU:

• Qytetarët dynden drejt plazheve, trafik i rënduar në autostradën Tiranë-Durrës
• Bllokohet aksi Bradashesh-Elbasan nga trafiku/ Qytetarët: Kemi 3 orë pa lëvizur