Rama: Ndërtimi i hidrocentralit të Skavicës do t’i japë fund frikës nga përmbytjet

Kryeministri Edi Rama sot zhvilloi një konferencë së bashku me ministrin e Mbrojtjes, Niko Peleshi dhe ministren e Bujqësisë Milva Ekonomi për situatën e përmbytjeve në vend. 

Në konferencë Rama tha se “të shqetësuar nga parashikimet e motit nga Instituti i Gjeoshkencave situata e përmbytjeve u menaxhua mirë”.

Kreu i qeverisë theksoi se situata ishte kritike nga liqeni i Shkodrës deri në Vjosë.

“Situata ka qenë kritikë nga liqeni i Shkodrës deri poshtë në Vjosë”, tha ai.

Rama theksoi se ndërtimi i hidrocentralit të Skacivës do t’i japë fund frikës nga shkarkimet e hidrocentraleve.

“Ndërtimi i Skavicës që ne e kemi futur në proces dhe do të jetë realitet në mandatin e ardhshëm do të mbyllë kapitullin e frikës nga shkarkimet e hidrocentraleve. Derisa të jetë Skavica që të jetë ujëmbledhës, sfida e menaxhimit është sfida kryesore. Ne kemi fituar këtë herë sfidën e menaxhimit”, u shpreh Rama.