“Parandalimi i shit-blerjes së votave”, kreu i KQZ-së takim me kryediplomaten amerikane Yuri Kim

Kryetari i Komisionit Qendror të Zgjedhjeve, Ilirjan Celibashi është takuar ditën e sotme me ambasadoren e Shteteve të Bashkuara të Amerikës në Tiranë Yuri Kim.

Lajmi është konfirmuar nga vetë kryekomisioneri, i cili ka zbuluar edhe temat ku u përqendrua biseda mes tyre.

Me një shënim në llogarinë zyrtare në “Twitter” z. Celibashi u shpreh se me ambasadoren e SHBA Yuri Kim ka folur për ecurinë e punës përgatitore për zgjedhjet e 25 prillit, identifikimin elektronik të zgjedhësve dhe parandalimin e shit-blerjes së votave.

“Identifikimi biometrik, votimi elektronik, lista e zgjedhësve, dokumentet e identifikimit, dekriminalizimi, masat për parandalimin e shitblerjes së votës & mashtrimit në zgjedhje, patën fokusin e diskutimit me Ambasadoren e SHBA, Yuri Kim në takim e sotëm në KQZ”, shkruan Celibashi. 

#1/1 Së bashku me Nënkomisioneren Pelinku prezantuam ecurinë e përgatitjeve për zgjedhjet e 25 prillit 2021. Krijimi i besimit të të gjithë aktorëve në integritetin e procesit zgjedhor, sfidë për KQZ. pic.twitter.com/WkBmVfIjWD

— Ilirjan Celibashi (@ICelibashi) January 15, 2021

Ai tha se sfidë kryesore për KQZ-në është të krijojë besimi tek të gjithë aktorët e përfshirë në këtë proces zgjedhor.

“Së bashku me Nënkomisioneren Pleniku prezantuam ecurinë e përgatitjeve për zgjedhjet e 25 prillit 2021. Krijimi i besimit të të gjithë aktorëve në integritetin e procesit zgjedhor, sfidë për KQZ.”, tha Celibashi.

We support CEC’s efforts to ensure free & fair election on April 25 by implementing biometric ID & other necessary measures; ensuring clean candidates; preventing vote-buying & vote-tampering. https://t.co/2m4q48vych

— Ambassador Yuri Kim (@USAmbAlbania) January 15, 2021

Takimin e znj. Kim me kreun e KQZ-së e konfirmoi edhe ambasada e Shteteve të Bashkuara në Tiranë. Me një shënim në “Twitter” ambasada thotë se SHBA ofron mbështetjen për të garantuar mbajtjen e zgjedhjeve të lira dhe të ndershme.

 “Kur edhe 100 ditë na ndajnë nga zgjedhjet parlamentare më 25 Prill, Ambasadorja Kim u takua me Kryetarin e KQZ-së Celibashi & Zv.Kryetaren Pelinku për të shprehur mbështetjen për rolin e tyre kritik në sigurimin e zgjedhjeve të lira & të ndershme”, shkruan ambasada E SHBA.

Lexoni gjithashtu: 

Identifikimi biometrik i zgjedhësve, KQZ shpall kompaninë fituese