”Dështimi” me votën e emigrantëve, ish-deputeti Hasa: Afatet janë të ngushta për ta realizuar këtë proces

Edhe pse kanë mbetur afro 100 ditë nga zgjedhjet parlamentare të 25 prillit, Komisioni Qendror i Zgjedhjeve duket se është mbrapa me planin për të krijuar mundësinë e votimit për emigrantët, në vendet ku jetojnë dhe punojmë.

“Ajo që mund të them është koha. Afatet janë të ngushta për ta realizuar këtë proces që ketë vit, në këto zgjedhje. Duhet  të merren hapat për të garantuar këtë të drejtë, që të votonin edhe bashkatdhetarët tanë, që ndodhen jashtë vendit”, tha ai.

Pyetur nga gazetarja Bruna Çifligu se pse ka mbetur pas ky proces, ish-deputeti i Partisë Demokratike thotë se nuk mund të ketë një përcaktim të qartë, por shkaktarin kryesor e sheh te mungesa e vullnetit.

“Pavarësisht konsensusit për të mundësuar votën e shqiptarëve jashtë vendit, nuk është definuar më tej për të përcaktuar disa rregulla bazë. Nga 2016 dhe deri më sot, qeveria ka pasur një ligj në fuqi, një VKM, një ministër Shteti për Diasporën që do merreshin me këtë çështje. Nuk mund t’i japim një definim të qartë, unë mendoj se nuk kishte një vullnet të hekurt për ta çuar përpara këtë proces”, tha ai.

Lexoni gjithashtu:

Ku “humbi” vota e emigrantëve? Ende nuk dihet si do të funksionojë, procesi drejt dështimit