Përmbytjet në Pakistan, evakuohen rreth 100 mijë njerëz

Rreth 100 mijë njerëz janë evakuuar nga fshatrat e përmbytura në provincën Punjab, kështu kanë bërë të ditur Shërbimet e emergjencës në Pakistan.

Disa qindra fshatra dhe mijëra hektarë tokë bujqësore në provincën qendrore u përmbytën kur lumi Sutlej doli nga shtrati i tij të dielën.

Shërbimet e urgjencës kanë punuar për evakuimin e banorëve dhe bagëtive në zonat më të rrezikuara.

“Ne kemi shpëtuar 100.000 njerëz dhe i kemi transferuar në vende më të sigurta”, tha zëdhënësi i shërbimeve të urgjencës në Punjab, Farooq Ahmad, për agjencinë e lajmeve AFP.

Kreu i qeverisjes në Punjab, Mohsin Naqvi, tha se reshjet e dendura të shiut i kishin shtyrë autoritetet në Indi të lëshonin ujin e tepërt të rezervuarit në lumin Sutlej, duke shkaktuar përmbytje në anën pakistaneze të kufirit.

Zyrtarët në anën indiane nuk u janë përgjigjur pyetjeve të bëra nga AFP lidhur me këto akuza.

LEXONI GJITHASHTU:

• Ksamil/ Mbetën në mes të detit me pedalon, shpëtohen 4 persona, mes tyre 2 të mitur
• Rama në malin e Shpiragut: Është gjetur sasi e madhe gazi e nafte me cilësi të lartë